Azərbaycan, Bakı, 29 may / Trend , müxbir C.Babayeva/ Azərbaycan ziyalıları ölkədə demokratik dəyişikliklərə nail olmaq üçün demokratik düşərgənin birliyini vacib hesab edirlər. Bu fikri cümə axşamı Seçki Məcəlləsi ilə bağlı "Azərbaycan Naminə" İctimai Forumun rəhbəri Eldar Namazovun təşkilatçılığı ilə keçirilən dəyirmi masada Azərbaycan Ziyalıları Birliyinin sədri Eldəniz Quliyev səsləndirib.
" Trend un arayışı: İndiyə qədər Müsavat Partityasının başqanı İsa Qəmbərin, ADP sədri Sərdar Cəlaloğlunun, Yaşıllar Partiyasının sədri Mais Güləliyevin namizədliyi təmsil olunduqları partiyalar tərəfindən irəli sürülüb. Bundan başqa, Azərbaycan Naminə İctimai Forumun rəhbəri Eldar Namazov müstəqil şəkildə namizədliyini irəli sürüb. Hakim Yeni Azərbaycan Partiyası isə, hazırki dövlət başçısı İlham Əliyevin namizədliyini irəli sürmək niyyətindədir.
Üç müxalifət partiyasının (Xalq Cəbhəsi, Vətəndaş və İnkişaf, Liberal) təmsil olunduğu "Azadlıq" bloku isə, seçkiləri boykot etmək niyyətindədir. Müxalifət daxilində seçkiyə münasibətdə fikir ayrılığı yaranıb.
Quliyevin sözlərinə görə, bu günədək bir sıra cəhdlər olsa da, düşərgənin birləşməsi mümkün olmayıb. "Demokraik düşərgə yalnız birgə mübarizə apararaq məqsədinə çata bilər. Birgə mübarizə olmadığına görə, Seçki Məcəlləsində demokratik dəyişikliyə nail olunmayacaq",- deyə o qeyd edib.
Quliyev Azərbaycanda demokratik düşərgənin demokratik qüvvəyə çevriləcəyinə ümid etdiyini bildirib.
Məqalə müəllifi ilə əlaqə ünvanı: [email protected]
