Azərbaycan, Gəncə, 02 iyul / Trend , müxbir V.Məmmədov/ Bu ilin 6 ayı ərzində Gəncədə baş verən cinayət hadisələrinin 96 faizi açılıb.
Trend -un məlumatına görə, bu barədə Gəncə şəhər Polis İdarəsinin rəisi Rasim Musayev şəhərdə polislərin peşə bayramı münasibəti ilə keçirilən bayram tədbirində söyləyib. Onun sözlərinə görə, Gəncədə kriminogen durum tam sabitdir və nəzarət altındadır.
"Bu il 17 kq - a yaxın narkotik vasitə dövrüyyədən çıxarılıb. Gəncədə üstü açılmamaış bir neçə cinayət var ki, onların açılması sahəsində bir sıra işlər aparılır. Yaxın vaxtlarda bu barədə ictimaiyyətə məlumat veriləcək",- deyə Musayev bildirdi.
Polis rəisi işində dönüş yarada bilmədiyinə, axtarışda olanların tutulmasını təmin etmədiyinə, son vaxtlar pasport rejimini yoxlamadıqlarına görə, bu il bir neçə polis əməkdaşının vəzifəsindən uzaqlaşdırıldığını diqqətə çatdırıb.
Gəncə şəhər Polis İdarsinin şəxsi heyəti 670 nəfərdən ibarətdir.
1918 -ci ildə ADR hökumətinin tərkibində Daxili İşlər Nazirliyi fəaliyyətə başlayıb. Azərbaycan polisi Qarabağ uğrunda gedən döyüşlərdə 932 şəhid verib.
Döyüşlərdə göstərdikləri şücaətə görə, daxili işlər orqanlarının 66 əməkdaşı Milli Qəhrəman adına layiq görülüb, 247 nəfər "Azərbaycan Bayrağı" ordeni ilə təltif olunub.
Müəlliflə əlaqə saxlamaq üçün elektron ünvan - [email protected]
