Azərbaycan, Bakı, 01 sentyabr/ Trend , müxbir V. Javoronkova/ Rusiya tərəfi təhlükəsizlik zonasındakı beynəlxalq müşahidəçilərin sayının artırılmasına hazırdır, - RF XİN-in rəsmi nümayəndəsi Andrey Nesterenko bazar ertəsi Moskvada brifinqdə bildirib,- "Vesti" telekanalı xəbər verir.
"RF ATƏT müşahidəçiləri ilə əməkdaşlığa hazırdır, Cənubi Osetiyada beynəlxalq polisin iştirakını təşkil etmək məqsədəuyğundur", - Nesterenko bildirib.
Onun sözlərinə görə, Rusiya tərəfinin gələcəkdə Abxaziya və Osetiya ərazisindən kənarda sülhməramlı qüvvələr saxlamaq məqsədi yoxdur. "Bütün bunlar təhlükəsizlik zonasında beynəlxalq iştirak zamanı ardıcıl irəliləməyə imkan verəcək", - o bildirib.
Nesterenkonun sözlərinə görə, heç bir şübhə yoxdur ki, Medvedyev-Sarkozi planının birinci prinsipinin icrası Tbilisidən və onu dəstəkləyən hər bir kəsdən asılıdır.