Azərbaycan, Bakı, 06 oktyabr / Trend , müxbir S.Kazımlı / Bakının Binəqədi rayonu ərazisində avtomobil oğurlayaraq qəza törədən şəxs tutulub.
Bakı şəhər Baş Polis İdarəsindən bazar ertəsi Trend -a verilən məlumata görə, oktyabrın 5-də saat 17-00 radələrində Mir Cəlal küçəsində yerləşən avtotəmir sexindən Biləcəri qəsəbə sakini 1985-ci il təvəllüdlü Hüseynov Arzuman Nuruş oğluna məxsus "VAZ- 2107" markalı 10-DT-392 dövlət nömrə nişanlı maşın qaçırılıb.
Binəqədi rayon Polis İdarəsinin 7-ci polis bölməsi əməkdaşlarının keçirdikləri tədbirləri nəticəsində avtomobili qaçıran və avtomobillə yol nəqliyyat hadisəsi törədən 1965-ci il təvəllüdlü Talıbov Əsgər Fazil oğlu tutulub.
Məqalə müəllifi ilə əlaqə ünvanı: [email protected]