Gürcüstan, Tbilisi, 31 oktyabr/ Trend , müxbir N.Kirtsxaliya/ Müxalifət noyabrın 7-də etiraz aksiyasının keçirilməsinə icazə almaq üçün, cümə günü paytaxt meriyasına müraciət edəcək, - Gürcüstanın Mühafizəkarlar Partiyasının liderlərindən biri Aleksandr Kukava cümə günü bildirib.
Onun sözlərinə görə, aksiyada Yeni Sağlar, Respublika, Mühafizəkarlar, Leyborist partiyaları, Xalq Partiyası, Gürcüstan Yolu Partiyası, "Milli Forum", "Vahid Gürcüstan uğrunda hərəkat" iştirak edəcək.
Nino Burcanadze və onun "Demokratik Hərəkat - Vahid Gürcüstan" partiyasının aksiyada iştirak edib - etməyəcəyi hələ məlum deyil.
Aksiyanın noyabrın 7-da saat 14.00 - da ölkə parlamentinin binası qarşısında keçirilməsi planlaşdırılıb.
Müəlliflə əlaqə saxlamaq üçün elektron ünvan: [email protected]