Gürcüstan, Tbilisi, 3 noyabr / Trend müxbir N.Kirtsxalia/ Gürcüstan parlamentində boş qalan deputat yerləri üzrə seçkilər başlayıb. Seçki məntəqələri bazar ertəsi səhər saat 8-də açılıb. Gürcüstanın qanunverici orqanında vakant iki mandat uğrunda mübarizədə müxalifət partiyalarının nümayəndələri iştirak edirlər. Belə ki, iqtidar partiyası seçkilərdə iştirak etməkdən imtina edib.
Qeyd edək ki, bu iki mandat Vake və Didubedən parlamentə seçilmiş birləşmiş müxalifət nümayəndələrinin, seçkilərin saxtalşdırılmasına etiraz əlaməti olaraq, parlamentin işində iştirak etməkdən imtinasından sonra vakant qalıb.
Hazırda Dibudidən olan mandat uğrunda "Kartuli dasi" partiyasından Natiya Mikiaşvili, Gürcüstanın Milli Demokrat Partiyasından Quram Çaxvadze, Radikal-demokrat milli partiyasından Cemal Natelaşvili, "Gürcü siyasəti" birliyindən Cumber Kirvalidze mübarizə aparırlar.
Vake rayonunda isə mandat uğrunda 3 namizəd mübarizə aparır: Xristian-demokratlar hərəkatından Tamaz Kvançantiradze, "Biz özümüz" partiyasından Levan Asatiani və "Kartuli dasi" partiyasından Kaxa Koridze.
Seçki məntəqələri saat 20:00-da bağlanacaq.
Məqalə müəllifi ilə əlaqə ünvanı: [email protected]