ABŞ qüvvələri Xark adası yaxınlığında və Cask şəhərində neft tankerinə hücum edib

Dünya xəbərləri Xəbər 9 Sentyabr 2026 00:28 (UTC +04:00)
ABŞ qüvvələri Xark adası yaxınlığında və Cask şəhərində neft tankerinə hücum edib
Vüsal Cəfərov
Vüsal Cəfərov
Bütün xəbərlər

Bakı. Trend:

ABŞ ordusu İranın Hörmüz boğazında yerləşən Xark adası yaxınlığında İran neft tankerinə raket zərbəsi endirib.

Bu barədə “Tasnim” agentliyi məlumat yayıb.

Hadisə nəticəsində ölən və ya yaralananların olmadığı bildirilib.

Agentliyin məlumatına görə, “İranın kiçik neft tankeri Xark adasından təxminən 6,4 kilometr məsafədə ABŞ ordusunun həyata keçirdiyi raket hücumunun hədəfinə çevrilib”. Gəmi heyətinin təxliyə olunduğu bildirilir.

Yerli KİV-lər həmçinin Hörmüz boğazı yaxınlığında yerləşən Cask liman şəhərində partlayışların baş verdiyini bildiriblər.

İran Silahlı Qüvvələrinin Baş Qərargah rəisi Əli Abdullahi bildirib ki, İran neft tankerlərinin yenidən hədəfə alınacağı təqdirdə, bölgədəki ABŞ hərbi bazalarına qarşı yeni hücumlar həyata keçiriləcək.

General dövlət televiziyasına açıqlamasında deyib: “ABŞ ordusu İran neft tankerlərini vurmaq məqsədilə onların təxliyə edilməsinə çağırıb. Buna görə bəyan edirəm ki, İran neft tankerlərinə qarşı hər hansı hücum İslam Respublikası İranının Silahlı Qüvvələri tərəfindən bölgədəki ABŞ bazalarına zərbələr endirilməsi ilə nəticələnəcək.”

Məqalədə:

Xəbər lenti

Xəbər lenti