Azərbaycan, Bakı, 10 noyabr / Trend , müxbir S. Kazımlı / Bakıda coxsaylı oğurluq törətməklə vətəndaşlara külli miqdarda ziyan vurmaqda təqsirləndirilərək barəsində axtarış verilən yeniyetmə tutulub.
Bu barədə Suraxanı rayon Polis İdarəsinin 31-ci polis bölməsindən bazar ertəsi Trend -a məlumat verilib.
Məlumata görə, 31-ci polis bölməsi əməkdaşlarının keçirdikləri əməliyyat axtarış tədbirləri nəticəsində Azərbaycan Cinayət Məcəlləsinin oğurluq (177-ci) maddəsi ilə axtarışda olan Zülfüqar Rafiq oğlu Əlizadə tutulub.
Polis bölməsindən bildiriblər ki, Əlizadə müxtəlif vaxtlarda yeddi dəfə oğurluq edərək vətəndaşlara xeyli miqdarda ziyan vurduğu üçün iki ay öncə onun barəsində axtarış elan olunub.
Məqalə müəllifi ilə əlaqə ünvanı:[email protected]
