Azərbaycan prezidenti İlham Əliyev "Azərbaycan Respublikasında hərbi xidmətə çağırışın əsasları haqqında" qanuna uyğun olaraq Azərbaycan vətəndaşlarının 2009-cu ilin yanvarın 1-dən 30-dək həqiqi hərbi xidmətə çağirılması və müddətli həqiqi hərbi xidmət hərbi qulluqçularının ehtiyata buraxılması haqqında fərman imzalayıb. Bu barədə məlumatı Azərtac yayıb.
Fərmana əsasən 1991-ci ildə doğulmuş və
çağırış günü üçün 18
yaşı tamam olmuş, habelə 1974-1990-cı
illərdə doğulmuş, yaşı 35-dək olan, Respublikanın
Silahlı Qüvvələrində və qanunvericilikdə
nəzərdə tutulmuş digər silahlı
birləşmələrdə hərbi xidmətə
çağırışdan möhlət hüququ olmayan
Azərbaycan vətəndaşları 2009-cu ilin yanvarın
1-dən 30-dək həqiqi hərbi xidmətə
çağırılır.
Eyni zamanda "Hərbi xidmət haqqında" qanunda
nəzərdə tutulmuş xidmət müddətini
keçmiş əsgər, matros və çavuşlar 2009-cu
ilin yanvarın 1-dən 30-dək ehtiyata buraxılır.