Azərbaycan, Bakı, 13 fevral / Trend , müxbir A.Hüseynbala/ Azərbaycanın müxalif partiyası Konstitusiyaya əlavə və dəyişikliklərlə bağlı partiya üzvlərinin referendumda iştirakına qadağa qoyulmasını qanunsuzluq hesab edir.
"Səsvermə gizli keçirilir. Hər bir partiya üzvü öz rəyinə uyğun olaraq bu prosesdə iştirak etməlidir", - cümə günü Trend -a Ədalət Partiyasının sədri, millət vəkili İlyas İsmayılov bildirib.
Trend -un arayışı: Martın 18-də Azərbaycanda ölkə Konstitusiyasına əlavə və dəyişikliklərin edilməsi üzrə referendum keçiriləcək.
Referendum üzrə "Yeni Azərbaycan", "Şəhər", "Tərəqqi", "Hüquq və demokratiya", "Vətəndaş Cəmiyyəti", "Davamlı inkişaf naminə", "Zəka", "Qarabağ və Respublika Uğrunda Hərəkat" və "Respublikaçılar" təşəbbüs qrupları MSK-da təşviqat qrupları kimi qeydiyyata alınıblar. "Abad kənd", "Azad söz", "Azərbaycan Xalq Cümhuriyyəti" və "Milli İstiqlal" təşəbbüs qrupları qeydiyyatdan keçməyib.
Dairə seçki komissiyalarında 124 təşəbbüs qrupu qeydiyyatdan keçib.
Azərbaycan Konstitusiyası 1995-ci ildə qəbul olunub, 2002-ci ildə Əsas Qanuna dəyişikliklər edilib.
İsmayılovun sözlərinə görə, bəzi partiya sədrlərinin bu prosesdə iştirak etməmək və partiya üzvlərini də buna çağırması düzgün addım deyil. "Hər bir adam dəyişikliklərə münasibətini səsvermə günü gizli şəkildə bildirməlidir. Konstitusiya dəyişikliklərinin əleyhinə olmağı əvvəlcədən bəyan etmək yanlış addımdir", - Ədalət Partiyasının sədri əlavə edib.
İsmayılov təbliğat kampaniyası zamanı partiyanın referendumla bağlı təsis edilən hər hansı təşviqat qrupu ilə əməkdaşlıq etməyəcəyini, amma hər kəsin prosesdə sərbəst qərar qəbul etmək haqqı olduğunu deyib.
Ədаlət Pаrtiyаsı 1993-cü ildə yаrаdılıb, 1996-cü ildə АDP-yə birləşib. 2000-ci ildə "Ədаlət"çilər АDP-dən аyrılаrаq pаrtiyаnın fəаliyyətini bərpа еdiblər. 2001-ci ildən indiyədək Ədаlət Pаrtiyаsınа Ismаyılоv sədrlik еdir. Ismаyılоv 2003-cü ildə Аzərbаycаndа kеçirilmiş prеzidеnt sеçkilərində prеzidеntliyə nаmizəd оlub və hazırdа Milli Məclisin dеputаtıdır.
Məqalə müəllifi ilə əlaqə ünvanı:[email protected]
