Dövlət informasiya agentliyi AzərTac-ın yaydığı məlumata görə, Azərbaycan respublikası prezidenti İlham Əliyev Gürcüstan parlamentinin vitse-spikeri Pridon Toduanın başçılıq etdiyi nümayəndə heyətini qəbul edib.
Dövlət başçısı Gürcüstan parlamentarilərinin səfərini parlamentlərarası əlaqələrin genişlənməsindəki rolunu xüsusi qeyd edərək, iki qonşu ölkə arasındakı qanunverici orqanların əməkdaşlığının gələcək prespektivlərinin müzakirəsini də qeyd edib.
Todau isə öz növbəsində Azərbaycan xalqının ümummilli lideri Heydər Əliyevlə görüşünü xatırlayaraq, bununla fəxr etdiyini bildirib. O, parlamentlərarası münasibətlərin genişlənməsinin vacibliyindən danışaraq, hazırki görüşü əməkdaşlığın möhkəmlənməsi yolunda böyük addım adlandırıb.
...