Azərbaycan Prezidenti İlham Əliyev xanımı Mehriban Əliyeva ilə cümə axşamı Bakıda Mərkəzi Klinik Xəstəxananın ambulatoriyasının açılışında iştirak edib. Məlumatı AzərTAc Dövlət İnformasiya Agentliyi yayıb.
Dövlət başçısı ambulatoriyanın açılışını bildirən lenti kəsib və səhiyyə ocağı ilə yaxından tanış olub.
Azərbaycan Prezidentinə məlumat verilib ki, Azərbaycan Respublikasının Prezidenti yanında Xüsusi Tibb Xidmətinin sifarişçisi olduğu ambulatoriyanın yenidən qurulması layihəsini Türkiyənin "Medikal Mimari Tasarım ve Danışmanlık Tic. Ltd" şirkəti hazırlayıb, yenidənqurma işlərini "Seren İndustrial Construction Services Ltd" MMC həyata keçirib.