Azərbaycan, Bakı, 15 yanvar / Trend , müxbir S.Ağayeva/
Azərbaycanın xarici işlər naziri Elmar Məmmədyarov və ABŞ-ın dövlət katibinin Avrasiyada enerji məsələləri üzrə xüsusi elçisi Riçard Morninqstar cümə günü Bakıda Azərbaycan və ABŞ arasında enerji əlaqələrinin inkişafı məsələlərini müzakirə ediblər.
Tərəflər həmçinin Xəzər regionunda gerçəkləşdirilən enerji layihələri ətrafında fikir mübadiləsi aparıblar. Bu barədə XİN-in mətbuat xidmətinin məlumatında deyilir.