Gürcüstan, Tbilisi, 23 mart / Trend , müxbir N.Kirsxaliya/
Çexiyanın eks-prezidenti Vaslav Qavelin Gürcüstana səfəri təxirə salınıb. Gürcüstan Prezidenti Administrasiyasının Trend -a verdiyi məlumata görə, bu barədə Çexiyanın Gürcüstandakı səfirliyindən bildirilib.
Səfər 74 yaşlı Vaslav Qavelin səhhətində yaranmış problemlərə görə təxirə salınıb.
Qavel martın 24-25-də Gürcüstanda rəsmi səfərdə olmalı və "Avropa Evi" beynəlxalq qeyri-hökumət təşkilatının açılışında iştirak etməli idi.
Vaslav Qavel 1989-1992-ci illərdə Çexoslovakiyanın Prezidenti olub. 1993-cü ildə məxməri inqilabdan sonra Çexiyanın ilk prezidenti olan Vaslav bu vəzifədə 2003-cü ilədək çalışıb.