Azərbaycan, Bakı, 7 may, /Trend/
Mayın 10-u Nyu-Meksiko ştatının (ABŞ) paytaxtı Santa-Fe şəhərində Heydər Əliyev günü elan edilib.
Ümummilli Lider Heydər Əliyevin müstəqil Azərbaycanın quruculuğunda və Qərb ölkələri ilə tərəfdaşlıq münasibətlərinin yaradılmasındakı tarixi rolu nəzərə alınaraq, Amerika şəhəri olan Santa-Fenin meri Devid Kose mayın 10-nu Heydər Əliyev günü elan edib. Bu barədə Azərbaycanın Los-Ancelesdəki Baş Konsulluğundan məlumat verilib.
Nyu-Meksiko ABŞ-da Azərbaycanın Los-Ancelesdəki Baş Konsulluğunun konsulluq dairəsinə daxil olan 13 ştatdan biridir.