Аzərbaycan, Bakı, 29 iyun /Trend, müxbir T.Hacıyev/
İyul ayında Bakıda Xəzərdə təhlükəsizlik məsələlərinə həsr olunmuş Xəzəryanı ölkələrin xarici işlər nazirlərinin müavinləri səviyyəsində tədbir keçiriləcək.
"Tədbirin keçirilmə vaxtı iştirakçıların tərkibinin tamamilə tamamlanmasından sonra dəqiqləşdiriləcək", - Xələfov deyib.
Onun sözlərinə görə, Xəzərdə təhlükəsizlik üzrə danışıqlar prosesinə start Tehran sammitində verilib.
"Bu prosesin davamı olaraq layihə hazırlanıb, biz ümid edirik, Bakıda keçiriləcək görüşdə müəyyən nəticələr əldə olunacaq", - Xələfov bildirib.
Nazir müavininin sözlərinə görə, əgər təşkilati məsələlər öz həllini tapsa, ilin sonunda Xəzəryanı ölkələrin prezidentləri səviyyəsində görüşlər gözləmək olar.