...

Azərbaycan yəhudi-müsəlman dialoqunda vasitəçi ola bilər – Amerika-Yəhudi Komitəsinin nümayəndəsi

Siyasət Materials 19 İyul 2010 20:32 (UTC +04:00)
Azərbaycan yəhudi-müsəlman dialoqunun və Yaxın Şərqdə əməkdaşlığın yaradılmasında mühüm rol oynaya bilər. Kaliforniya ştatı Oranc qraflığının Amerika-Yəhudi Şurasının (AJC) rəhbəri ravin Mark Dvorkin belə hesab edir.

ABŞ, Vaşinqton, 19 iyul /Trend, müxbir K.Paşayeva/

Azərbaycan yəhudi-müsəlman dialoqunun və Yaxın Şərqdə əməkdaşlığın yaradılmasında mühüm rol oynaya bilər. Kaliforniya ştatı Oranc qraflığının Amerika-Yəhudi Şurasının (AJC) rəhbəri ravin Mark Dvorkin belə hesab edir.

"Bizim, xalqların harmoniya və əməkdaşlığının təminatından çox, parçalanmasında maraqları olanları zərbə endirmək üçün mötədil səslərə ehtiyacımız var. Azərbaycan tolerantlıq nümunəsi kimi, yəhudi-müsəlman dialoqu və Yaxın Şərqdə və ümumilikdə bütün dünyada əməkdaşlıq üçün qəlibin yaradılmasına kömək edə bilər", - Trend-ə müsahibəsində Dvorkin bildirib.

Dvorkinin fikrincə, ekstremistlərin səsi bəzən hər iki xalq üçün sabit sülhü təmin edə biləcək çox lazımi müzakirələri boğur.

"Yəhudi və müsəlmanlar - sıx tarixləri ilə doğma qardaşlardır. Azərbaycan hər iki xalq üçün mühüm kanal və model ola bilər", - Dvorkin qeyd edib.

Dvorkinin sözlərinə görə, Türkiyə və İsrail arasında humanitar "Azadlıq donanması" gəmisi ilə bağlı son qalmaqal fonunda, Azərbaycan hazırda İsraillə dostluq və strateji münasibətləri saxlayan və yəhudi xalqı ilə uzun sürən yaxşı münasibətlər tarixinə malik çox az ölkələrdən biridir.

Dvorkinin fikrincə, İsrail və Azərbaycan arasında münasibətlər hazırda Azərbaycan icmasının və Oranc qraflığındakı Amerika-Yəhudi Komitəsinin nümayəndəliyinin forumunda başlıca yeri tutur. Forumda iki ölkənin baş konsulları mövcud ikitərəfli münasibətlərin əhəmiyyətini bölüşürlər.

"Forum yəhudi icmasını nadir münasibətlər haqqında (İsrail və Azərbaycan arasında) məlumatlandırmağa kömək etdi və gələcəkdə məhsuldar müzakirələr üçün yol açdı. Biz ümid edirik ki, bu forum hər iki icmanı, eləcə də Amerika cəmiyyətinə davam edən qruplararası və milli dialoqu öyrədə biləcək gələcək dialoqlar üçün model olacaq", - o deyib.

"Azərbaycanın diplomatik korpusunun və Amerika-Yəhudi Komitəsinin səyləri sayəsində ABŞ-ın yəhudi icmasına tərəflər arasında aparılan dialoq, Azərbaycan və İsrail arasında mövcud münasibətlərlə bağlı bəyanatlar çox böyük təsir göstərib", - Dvorkin vurğulayıb.

"Bu, mövcud münasibətlərin gələcək inkişafı üçün yaxşı göstəricidir", - ravin deyib.

Onun sözlərinə görə, AYK-nin icraçı direktoru Devid Harrisin Bakıya bu yaxınlarda etdiyi səfər Azərbaycan və ABŞ-ın yəhudi icması arasında münasibətlərin əhəmiyyətindən xəbər verir.

Harrisin səfəri iyulun 4-də ABŞ dövlət katibi Hillari Klintonun Azərbaycana səfəri ilə eyni vaxta düşmüşdü.

Azərbaycan və İsrailin uzun müddət ərzində münaqişələrdə olduğundan danışan ravin Dvorkin hesab edir ki, bütün uzun müddət davam edən münaqişələr hərbi güclə deyil, yalnız birbaşa danışıq və kompromis yolu ilə həll ediləcək.

"Hər bir münaqişə öz-özlüyündə nadirdir və uğura nail olmaq üçün tərəflər fikir ayrılıqlarını dəf etməli və bir-birinin tarixini və mədəniyyətini anlamağa çalışmalıdırlar. Bunun üçün bizə sülh axtarışında riskə gedə bilməyə hazır olan dahi liderlər lazımdır. Bunda səmimi qəlbdən iştirak edən və öz dəstəyini göstərən beynəlxalq ictimaiyyətin cəlb edilməsi vacib elementdir", - Dvorkin güman edir.

Xəbər lenti

Xəbər lenti