Gürcüstan, Tbilisi, 27 iyul /Trend, müxbir N.Kirsxaliya/
Gürcüstanın xarici işlər nazirinin müavini David Calaqaniya Aİ-nin müşahidəçi missiyasının mandatının bir il uzadılmasını "mühüm hadisə" hesab edir. "Bu qərar sübut edir ki, Avropa İttifaqı regionda, eləcə də Gürcüstanda sabitlik və təhlükəsizliyin saxlanmasında maraqlıdır", - nazir müavini jurnalistlərlə söhbətində bildirib.
Calaqaniyanın sözlərinə görə, daimi dialoqun mövzusu missiyanın mandatının tam şəkildə həyata keçirilməsidir. "Və bizim Aİ-dəki tərəfdaşlarımız daim bu məsələni gündəlikdə saxlayırlar", - o deyib və nəticənin əldə olunacağına ümidvar olduğunu ifadə edib.
Avropa İttifaqı Nazirlər Şurası Aİ-nin müşahidəçi missiyasının mandatının bir il - 2011-ci il sentyabrın 14-dək uzadılması barədə qərar qəbul edib.