Azərbaycan, Bakı, 1 noyabr /Trend, müxbir M.Əliyev/
Azərbaycanda deputatlığa namizədlərin öz seçiciləri ilə görüşməsi üçün heç bir maneə yoxdur. Bu barədə bazar ertəsi MSK-nın iclasında Komissiya sədri Məzahir Pənahov deyib.
"Bu günədək Mərkəzi Seçki Komissiyasına seçicilərlə görüşlərin keçirilməsi üçün maneələrlə bağlı müraciət daxil olmayıb", - Pənahov qeyd edib.
MSK-nın bazar ertəsi keçirilən iclasında parlament seçkiləri ilə bağlı müraciətlərə baxılır.
Azərbaycanda parlament seçkiləri noyabrın 7-də keçiriləcək. Sentyabrın 3-də seçkilərə rəsmi start verilib.
Bundan əvvəlki seçkilər 2005-ci ilin noyabr ayında keçirilib. Azərbaycanda parlament seçkiləri majoritar sistem üzrə 125 seçki dairəsində aparılır.