Azərbaycan, Bakı, 10 yanvar /Trend, müxbir S.Ağayeva/
Azərbaycan-Litva əməkdaşlığının perspektivləri Bakıda müzakirə olunacaq. Danışıqlar Litva Prezidenti Dalya Qribausskaytenin mayın əvvəlində Azərbaycana rəsmi səfəri zamanı aparılacaq. Bu barədə bazar ertəsi Trend-ə Litvanın Azərbaycandakı səfiri Kestutis Kudzmanas bildirib.
Səfirin qeyd etdiyi kimi, hər iki tərəf bu səfərə siyasi, iqtisadi və digər əlaqələrin dərinləşməsi baxımından böyük əhəmiyyət verir.
Səfər zamanı Litvanın ATƏT-ə sədrliyi məsələsi, Azərbaycanın Litva ilə ümumavropa kontekstində münasibətləri və əlbəttə ki, Azərbaycan-Litva iqtisadi əlaqələri müzakirə olunacaq.
Litva ATƏT-ə yanvarın 1-dən sədrlik edir.