Azərbaycan, Bakı, 4 fevral /Trend, müxbir A.Qasımova/
ABŞ-ın Azərbaycanda yeni təyin olunmuş səfiri Metyu Brayza Birləşmiş Ştatların Dövlət Departamentində görüş keçirəcək. Trend-in məlumatına görə, bu barədə Dövlət Departamentindən bildirilib.
Brayzanın dövlət katibinin siyasi məsələlər üzrə müavini Vilyam Börnslə görüşü gözlənilir. Məlumatda bildirilir ki, danışıqlar mətbuat üçün qapalı olacaq.
Yanvarın 27-də ABŞ-ın Azərbaycana yeni təyin olunmuş səfiri Metyu Brayza and içib. Bundan əvvəl məlumat verildiyi kimi, Brayzanın fevralın ilk günlərində Azərbaycana gəlməsi gözlənilir.
Amerikanın Azərbaycandakı diplomatik nümayəndəliyinin rəhbəri vəzifəsi 2009-cu ilin iyulundan - keçmiş səfir Enn Dersinin səlahiyyət müddəti bitdiyi vaxtdan boş qalmışdı.