Azərbaycan, Bakı, 23 fevral /Trend, müxbir A.Axundov/
Türkiyə Böyük Millət Məclisi (TBMM) Azərbaycan-Türkiyə hökumətlərarası iki sazişi ratifikasiya edib. Bu barədə Trend-ə Türkiyə Parlamentindən məlumat verilib.
Türkiyə Parlamenti Baş Assambleyasının çərşənbə axşamı keçirilən iclasında Azərbaycan və Türkiyə hökumətləri arasında 2005-ci il iyunun 30-da imzalanan müəllif və intellektual hüquqlar sahəsində saziş və 1998-ci il iyulun 17-də imzalanmış sosial müdafiə barədə müqaviləyə əlavə saziş ratifilkasiya olunub.
"Qüvvəyə minməsi üçün bu sazişlər ölkə prezidenti tərəfindən təsdiq edilməlidir", - Türkiyə Parlamentindən bildiriblər.
Bu sazişlərin təsdqilənməsi haqqında qanun layihələrinin yekun variantları TBMM-in Xarici əlaqələr komisiyası tərəfindən 2011-ci il yanvarın 5-də keçirilən iclasda hazırlanıb və daha sonra baxılmaq üçün TBMM BA-ya təqdim olunub.