Azərbaycan, Bakı, 8 mart /Trend, müxbir T.Cəfərov/
Bazar ertəsi İran prezidenti Mahmud Əhmədinejad Tehranda Azərbaycanın xarici işlər naziri Elmar Məmmədyarovu qəbul edib. Bu barədə Trend İRİ-nın prezident aparatının rəsmi saytına (www.president.ir) istinadən məlumat verir.
Görüş zamanı İran prezidenti iki ölkə arasında münasibətlərin inkişafı üçün geniş potensialın olduğunu vurğulayıb.
İran prezidentinin sözlərinə görə, İran-Azərbaycan münasibətləri iki qardaş ölkənin münasibətləridir və daimi planlaşdırma və ekspert əməkdaşlığı hər iki ölkə üçün mövcud imkanlardan faydalı istifadə etmək şəraiti yaradacaq.
İki ölkə arasında ticari-iqtisadi əlaqələrin inkişafı ilə yanaşı Əhmədinejad iki xalq arasında da əlaqələrin möhkəmlənməsinin vacib olduğunu vurğulayıb.
Azərbaycan XİN-in başçısı, öz növbəsində, iki ölkə arasında əməkdaşlığın gələcək inkişafının əhəmiyyətini qeyd edib. Məmmədyarovun sözlərinə görə, İran və Azərbaycan iki qonşu müsəlman dövlət kimi bir-biri ilə əməkdaşlığı möhkəmləndirməlidir.
Elmar Məmmədyarov İran-Azərbaycan hökumətlərarası birgə iqtisadi komissiyanın 8-ci iclasında iştirak etmək üçün Tehrana səfər edib. Öncə bazar ertəsi Azərbaycanın XİN başçısı İranın xarici işlər naziri Əli Əkbər Salehi ilə görüş keçirib.
İran-Azərbaycan münasibətləri iki qardaş ölkənin münasibətləridir - İran Prezidenti
Bazar ertəsi İran prezidenti Mahmud Əhmədinejad Tehranda Azərbaycanın xarici işlər naziri Elmar Məmmədyarovu qəbul edib. Bu barədə Trend İRİ-nın prezident aparatının rəsmi saytına (www.president.ir) istinadən məlumat verir.