Azərbaycan, Bakı, 8 aprel /Trend, müxbir S.Ağayeva/
Litva Prezidenti Dali Qribauskaytenin Azərbaycana səfər tarixi açıqlanıb.
"Prezidentin səfəri mayın 2-3-də baş tutacaq", - cümə günü Trend-ə Litvanın Azərbaycandakı səfiri Kestutis Kudzmanas bildirib.
"Bu səfərin münasibətlərimizin inkişafına çox güclü təkan verəcəyini, Litva ilə Azərbaycan arasında qurulan açıq, dost dialoqun davamı olacağını gözləyirik", - səfir bildirib.
Səfər zamanı Azərbaycan tərəfi ilə ikitərəfli əməkdaşlığın perspektivlərinin, eləcə də regional xarakterli problemlərin müzakirə olunacağı gözlənilir.