...

Azərbaycanda səfərdə olan Slovakiyanın eks-prezidenti Heydər Əliyev Fondunu ziyarət edib

Siyasət Materials 13 Oktyabr 2011 17:28
Bakıda səfərdə olan Slovakiyanın keçmiş prezidenti Rudolf Şuster oktyabrın 13-də Heydər Əliyev Fondunu ziyarət edib.
Azərbaycanda səfərdə olan Slovakiyanın eks-prezidenti Heydər Əliyev Fondunu ziyarət edib

Trend-i buradan izləyin

Azərbaycan, Bakı, 13 oktyabr /Trend, müxbir T.Hacıyev/

Bakıda səfərdə olan Slovakiyanın keçmiş prezidenti Rudolf Şuster oktyabrın 13-də Heydər Əliyev Fondunu ziyarət edib. Trend-in məlumatına görə, qonağa ümummilli lider Heydər Əliyevin xatirəsinə ehtiram əlaməti olaraq yaradılmış Fondun fəaliyyəti və məqsədləri barədə məlumat verilib.

Bildirilib ki, Fondun əsas məqsədi görkəmli siyasi xadim Heydər Əliyevin zəngin irsini öyrənmək və təbliğ etməkdən, ulu öndərin Azərbaycanın sosial-iqtisadi, mədəni tərəqqisinə yönəlmiş genişmiqyaslı fəaliyyəti barədə gələcək nəsillərdə, xarici qonaqlarda əyani təsəvvür yaratmaqdan, Azərbaycan mədəniyyəti və tarixinin geniş təbliği ilə əlaqədar aparılan işlərə kömək göstərməkdən ibarətdir.

Şuster ulu öndərin şəxsi arxivindən götürülmüş və onun fəaliyyətinin ayrı-ayrı dövrlərini əhatə edən, fenomen şəxsiyyət Heydər Əliyevin həyatının ən müxtəlif məqamlarını əks etdirən və tariximizin bütöv bir dövrü barədə geniş təsəvvür yaradan eksponatlara nəzər yetirib. Qonaq görkəmli siyasi xadimin uşaqlıq və gənclik illərinə, Moskvada keçmiş SSRİ-nin rəhbərlərindən biri kimi genişmiqyaslı fəaliyyətinə aid materiallara, ulu öndərimiz haqqında kitablara, müxtəlif ölkələrin liderləri ilə görüşlərdə çəkilmiş şəkillərə,
Bakı-Tbilisi-Ceyhan əsas ixrac neft boru kəmərinin keçdiyi ərazilərin maketinə xüsusi maraqla baxıb.

Şuster Fondun xatirə kitabına ürək sözlərini yazıb.

Qonağa Heydər Əliyev Fondunun nəşri olan "Azərbaycan" kitabı hədiyyə verilib.

Xəbər lenti

Xəbər lenti