Azərbaycan, Bakı, 16 aprel / Trend, müxbir S.Ağayeva/
Azərbaycanın XİN rəhbəri Elmar Məmmədyarov Beynəlxalq Təhlükəsizliyə Yardım Qüvvələrinə (International Security Assistance Force - ISAF) daxil olan ölkələrin xarici işlər nazirlərinin aprelin 19-da Brüsseldə keçiriləcək iclasına dəvət olunub. Bu barədə bazar ertəsi Trend-ə XİN-in mətbuat xidmətinin rəhbəri Elman Abdullayev bildirib.
NATO-nun başçılıq etdiyi ISAF 2001-ci ildən Əfqanıstan ərazisində fəaliyyət göstərən beynəlxalq hərbi kontingentdir.
İclasda ISAF proqramlarının perspektivlərinin müzakirəsi planlaşdırılır.
Aprelin 18-19-da NATO-nun mənzil-qərargahında Alyans ölkələrinin XİN rəhbərlərinin və müdafiə nazirlərinin iclası keçiriləcək.