Azərbaycan, Bakı, 23 iyun /Trend/
Suriya Prezidenti Bəşşar Əsəd əsas vəzifələrdə əvvəlki nazirləri saxlamaqla yeni hökumət formalaşdırıb. Bu barədə Trend şənbə günü RİA Novosti-yə istinadən məlumat verir.
Yeni hökumətə əvvəlki müdafiə, daxili işlər və xarici işlər nazirləri daxil olub.
Müdafiə naziri Raud Racinin vəzifəsində qalması onun Əsədi devirmək istəyən yaraqlılar tərəfindən öldürülməsi barədə yayılan şayiələrin yalan olduğunu üzə çıxarıb.