Xorvatiyanın sabiq prezidenti Azərbaycan Müdafiə Nazirliyində olub
Azərbaycan, Bakı, 5 oktyabr /Trend, müxbir K.Zərbalıyeva/
Bakı Beynəlxalq Humanitar Forumunun iştirakçısı Xorvatiya Respublikasının sabiq prezidenti Stepan Mesiç oktyabrın 5-də Azərbaycan Müdafiə Nazirliyində olub.
Nazirlikdən Trend-ə verilən məlumata görə, nazir Səfər Əbiyevlə görüş zamanı ölkələr arasında müxtəlif sahələr üzrə həyata keçirilən geniş əməkdaşlıq məsələləri ətrafında fikir mübadiləsi aparılıb.
General-polkovnik Səfər Əbiyev hörmətli qonağı Ermənistanın təcavüzkar siyasəti nəticəsində regionda yaranmış gərgin hərbi vəziyyətlə tanış edib.
Görüşdə hərbi-texniki əməkdaşlıq məsələlərinə də toxunulub.
