Azərbaycan, Bakı, 25 oktyabr / Trend, müxbir E.Tarıverdiyeva /
"Azərbaycan Hava Yolları" QSC (AZAL) mətbuat xidmətinin rəhbəri Məhərrəm Səfərli Azərbaycanla Şimali Kipr Türk Respublikası ilə hava nəqliyyatının başlanması haqqında informasiyanı təkzib edib.
Səfərli cümə axşamı Trend-ə bildirib ki, Kipr KİV-də yayılan məlumat həqiqətə uyğun deyil.
Bir müddət əvvəl "Kibris Postasi" qəzetində dərc edilmiş məlumatda deyilirdi ki, Türkiyənin özəl şirkətlərindən biri Lefkoşadan Bakıya birbaşa aviareys həyata keçirmək fikrindədir.