Azərbaycan, Bakı, 5 noyabr /Trend, müxbir K.Zərbalıyev/
TÜRKPA-nın Hüquq Komissiyasinın növbəti - III iclası Qazaxıstanın paytaxtı Astana şəhərində keçiriləcək. Trend-in məlumatına görə, bu barədə komissiyanın Bakıda keçirilən II iclasında qərar qəbul olunub.
Bugünkü iclasın yekunu ilə bağlı məruzə hazırlanacaq. Həmin sənəd növbəti ildə Ankarada keçiriləcək TÜRKPA-nın IV plenar iclasında müzakirə olunacaq.
İclas sabah işini başa çatdıracaq.