Azərbaycan, Bakı, 31 iyul /Trend/
Birləşmiş Millətlər Təşkilatının (BMT) bacardığı şey Suriyada neçə nəfərin öldüyünü saymaqdır. Trend-in "Anadolu" agentliyinə istinadən verdiyi məlumata görə, bunu Türkiyə Baş nazirinin müavini Bəkir Bozdağ deyib.
B.Bozdağ Türkiyə xalqının hər zaman məzluma yardım əlini uzatdığını bildirib: "Təəssüf ki, bu gün dünyamızın dörd bir yanında göz yaşı var, qan var, ölümlər var, sıxıntılar var. O cümlədən Suriyada. Orada ölənlərin sayı 100 mini ötüb".
Baş nazirin müavini qeyd edib ki, BMT Suriyada qan tökülməsinin qarşısını almaqdansa, bu vaxta qədər etdiyi şey Suriyada ölü saymaqdır: "BMT yalnız ölənlərin sayı ilə bağlı raport hazırlayır".