Azərbaycan, Bakı, 28 avqust /Trend/
İtaliyanın baş naziri Enriko Letta britaniyalı həmkarı Devid Kemeronla telefon danışığı zamanı deyib ki, Suriya kimyəvi silahdan istifadə etməklə "geridönməz nöqtəni" keçib. Trend-in RBK-ya istinadən verdiyi məlumata görə, hər iki lider bildirib ki, Suriya hakimiyyəti kimyəvi silahdan istifadə etməməli idi.
"Birləşmiş Krallıq və İtaliya hesab edir ki, Suriya kimyəvi silahdan istifadə etməklə "geridönməz nöqtəni" keçib" - deyə rəsmi açıqlama bildirilir.
Vurğulanıb ki, kimyəvi silahdan istifadə qadağandır və beynəlxalq ictimaiyyət buna dözməyəcək.