Gürcüstan, Tbilisi, 27 oktyabr /Trend, müxbir N.Kirsxaliya/
Gürcüstanda keçirilən prezident seçkilərində seçici fəallığı 46 faiz təşkil edib. Trend-in məlumatına görə, bunu Gürcüstan Mərkəzi Seçki Komissiyasının (MSK) mətbuat katibi xanım Eka Azaraşvili yekun brifinqdə deyib.
MSK-nın məlumatına görə, seçkilərdə 1 646 350 seçici iştirak edib.
Komissiya ümumilikdə Gürcüstan ərazisində seçicilərin sayının 3 537 719 nəfər təşkil etdiyini bildirib.
"Exit-poll"un nəticəsinə əsasən, seçkilərdə 66,7 faiz səslə hakim "Gürcü arzusu" koalisiyasının namizədi Giorgi Marqvelaşvili qələbə qazanıb.