Azərbaycan, Bakı, 15 may /Trend/
Cari ilin 15 may tarixində nazir Elmar Məmmədyarov Finlandiya Respublikasına rəsmi səfəri çərçivəsində bu ölkənin sabiq Prezidenti xanım Tarya Halonen ilə görüşüb.
Xarici İşlər Nazirliyinin mətbuat xidmətindən Trend-ə verilən məlumata görə, görüş zamanı Azərbaycan ilə Finlandiya arasında ikitərəfli münasibətlərin müxtəlif istiqamətlərdə inkişafı, eləcə də Ermənistan-Azərbaycan Dağlıq Qarabağ münaqişəsi və onun həlli istiqamətindəki danışıqların cari vəziyyəti ətrafında fikir mübadiləsi aparılıb.