Azərbaycan, Bakı, 17 oktyabr /Trend, müxbir Təmkin Cəfərov/
İranın Qərbi Azərbaycan əyalətinin başçısı Qurbanəli Səadət Azərbaycan Respublikasının Naxçıvan Muxtar Respublikasına (MR) səfər edəcək. Bu barədə Trend-ə İranın Azərbaycandakı səfirliyindən məlumat verilib.
Məlumata əsasən, Q.Səadət 23-24 oktyabr tarixlərində Naxçıvan MR Ali Məclisinin sədri Vasif Talıbovun dəvəti ilə Naxçıvanda olacaq.
Səfərdə Qərbi Azərbaycan əyaləti ilə Naxçıvan MR arasında müxtəlif sahələrdə əlaqələrin inkişafı barədə müzakirələr aparılacaq.