...

Fikrət Sadıxov: Ermənistandakı vəziyyət Serj Sarkisyanın imicinə zərbədir

Siyasət Materials 23 İyun 2015 14:12 (UTC +04:00)
Ermənistanda yaranmış vəziyyət ilk növbədə Prezident Serj Sarkisyana və ölkəni bu hala salmış siyasi rejimə qarşı zərbədir.
Fikrət Sadıxov: Ermənistandakı vəziyyət Serj Sarkisyanın imicinə zərbədir

Azərbaycan, Bakı, 23 iyun /Trend, müxbir Səba Ağayeva/

Ermənistanda yaranmış vəziyyət ilk növbədə Prezident Serj Sarkisyanın imicinə və ölkəni bu hala salmış siyasi rejimə qarşı zərbədir. Bunu Trend-ə politoloq, Qərb Universitetinin professoru Fikrət Sadıxov Yerevanda polisin nümayişçiləri dağıtmasını şərh edərkən deyib.

O bildirib ki, Ermənistanda vəziyyət mürəkkəbdir: "Bir tərəfdən daxili siyasi hesablaşmalar, digər tərəfdən isə Azərbaycan hərbçilərinin istənilən an torpaqlarını azad etmək üçün hərbi əməliyyata başlması qorxusu var. Bundan başqa sosial problemlər də mövcuddur. Erməni cəmiyyəti sosial problemlərlə mütəmadi üzləşir. Bu, insanların paytaxt meydanlarına çıxması üçün ciddi səbəbdir".

Politoloq oturaq nümayişin dağıdılmasını qorxunc aksiya adlandırıb: "Aksiyaların dağıdılması ilə bu məsələyə nöqtə qoyulmayacaq. Ermənistanda vəziyyət həddən artıq mürəkkəbdir, yekunda ölkənin digər regionlarında aksiyaların keçiriləcəyini proqnozalaşdırmaq olar. Cəmiyyət pik həddinə çatıb, bu, gərginliyin elə səviyyəsidir ki, artıq açıq etirazlar başlayır. Daxildə Sarkisyan əleyhdarları olan siyasi qüvvələrin bundan yararlanacağını istisna etmirəm. Onlar Sarkisyanı asanlıqa hakimiyyətdən uzaqlaşdıra bilərlər".

Məqalədə:
Xəbər lenti

Xəbər lenti