Bakı. Rufiz Hafizoğlu - Trend:
Azərbaycanla Türkiyə arasında münasibətlər vacib xarakter daşıyır.
Trend-in məlumatına görə, bunu Türkiyənin mədəniyyət və turizm naziri Numan Kurtulmuş “Twitter” səhifəsində yazıb.
O qeyd edib ki, Azərbaycan mədəniyyət və turizm naziri Əbülfəs Qarayevlə görüşü zamanı qardaş ölkələr arasında münasibətlərin inkişafının vacibliyi vurğulanıb.
Qeyd edək ki, bu gün Türkiyə Mədəniyyət və Turizm Nazirliyindən Trend-ə bildirmişdilər ki, Çində Dünya Turizm Təşkilatının Baş Assambleyasının XXII iclası çərçivəsində türkiyəli və azərbaycanlı nazirlər iki ölkə arasında turizm sahəsində əlaqələri müzakirə etməyi planlaşdırır.