...

Helsinki Komissiyasının sədri: Azərbaycan ABŞ-ın Avropadakı müttəfiqlərinin enerji təhlükəsizliyində mühüm rol oynayacaq

Siyasət Materials 5 İyun 2018 23:18 (UTC +04:00)
Azərbaycan ABŞ-ın Avropadakı müttəfiqlərinin enerji təhlükəsizliyində mühüm rol oynayacaq.
Helsinki Komissiyasının sədri: Azərbaycan ABŞ-ın Avropadakı müttəfiqlərinin enerji təhlükəsizliyində mühüm rol oynayacaq

Bakı. Trend:

ABŞ Senatının Missisipi ştatını təmsil edən respublikaçı üzvü, ABŞ Helsinki Komissiyasının sədri senator Rocer Uiker Azərbaycanın milli bayramı – 28 May Respublika Gününün 100-cü ildönümü ilə bağlı bəyanatla çıxış edib.

Trend-in məlumatına görə, bəyanatda ABŞ-ın Azərbaycanın müstəqilliyini tanıyan ilk dövlətlərdən biri olduğu, 1920-ci ildə bolşeviklərin ölkəyə müdaxiləsi ilə Azərbaycanın Sovet İttifaqının tərkibinə qatıldığı, lakin Sovet İttifaqının çökməsi ilə Azərbaycanın yenidən 1991-ci ildə müstəqilliyini bərpa etdiyi və ABŞ-ın yenidən Azərbaycanın müstəqilliyini tanıyaraq 1992-ci ildə diplomatik əlaqələr qurduğu vurğulanıb.

Həmçinin ABŞ-ın təhlükəsizlik sahəsində Azərbaycanın aparıcı tərəfdaşı olduğu, 2002-ci ildən Azərbaycan qoşunlarının Əfqanıstanda xidmət göstərdiyi, Birləşmiş Ştatlara və NATO tərəfdaşlarına yardım göstərdiyi qeyd olunub. Azərbaycanın Şimal paylayıcı şəbəkəsi vasitəsilə Əfqanıstana hərbi yüklərin daşınmasında mühüm tranzit rolu oynadığı, habelə Əfqanıstana gedən ABŞ hərbi heyətinin Azərbaycan hava məkanından istifadəsinə icazə verdiyi vurğulanıb.

Daha sonra bəyanatda ABŞ-ın güclü müttəfiqi olan İsraillə 25 ildən artıqdır diplomatik əlaqələri qoruyan və yəhudi icması ilə olduqca yaxşı münasibətlərə malik müsəlman ölkəsi olan dünyəvi Azərbaycanın nümunəvi bir dövlət olduğu vurğulanıb.

Bundan əlavə, Azərbaycanın "Cənub Qaz Dəhlizi" vasitəsilə ABŞ-ın Avropadakı müttəfiqlərinin enerji təhlükəsizliyində mühüm rol oynayacağı və həmin qitənin Rusiya qazından asılılığını azaldacağı qeyd olunub.

Sonda isə senator Azərbycan Respublikasına və xalqına öz səmimi təbriklərini çatdırıb.

Məqalədə:
Xəbər lenti

Xəbər lenti