Azərbaycan 2019-cu ildə də Ermənistanın təcavüzünə son qoyulması, torpaqlarımızın işğaldan azad edilməsi üçün əlindən gələni edəcək

Azərbaycan 2019-cu ildə də Ermənistanın təcavüzünə son qoyulması, torpaqlarımızın işğaldan azad edilməsi üçün əlindən gələni edəcək

Bəxtiyar Hacıyev – Trend:

Başa vurduğumuz 2018-ci ildə də rəsmi Bakı Ermənistan-Azərbaycan Dağlıq Qarabağ münaqişəsinin Azərbaycanın suverenliyi, ərazi bütövlüyü və beynəlxalq sərhədləri çərçivəsində həll olunması istiqamətində diplomatik səylərini davam etdirib.

Uzun illərdir münaqişənin nizamlanması üzrə aparılan danışıqlar nəticə verməsə də Azərbaycan Prezidenti İlham Əliyevlə Ermənistan baş naziri vəzifəsini icra edən Nikol Paşinyan arasında MDB-nin Düşənbə və Sankt-Peterburq zirvə görüşləri çərçivəsində baş tutan söhbətlər danışıqlar prosesində müəyyən irəliləyişin olması baxımından nikbinlik yaradır. Paşinyan Azərbaycanın işğal olunmuş ərazilərində yaradılmış qondarma rejimin "rəhbərliyi"ni münaqişə tərəfi kimi danışıqlar masasında oturtmağa çalışsa da, Azərbaycanın qətiyyətli mövqeyi sayəsində Ermənistanın yeni rəhbərliyinin bu niyyəti puç oldu, danışıqların formatı dəyişməz olaraq qaldı.

Dünyanın ən güclü 50 ordusu sırasında yer alan Azərbaycan Silahlı Qüvvələri 2018-ci ildə də döyüş meydanında uğurlu əməliyyatlar həyata keçirdi. May ayında Naxçıvan Muxtar Respublikasının 11 min hektardan çox ərazisi, o cümlədən Şərur rayonunun Günnüt kəndi düşməndən azad edildi, dövlət sərhədi boyunca əlverişli yüksəkliklər ələ keçirildi, Yerevan-Gorus-Laçın yolu nəzarətə götürüldü.

Şərur rayonunun mühüm strateji əhəmiyyətə malik Günnüt kəndi 1992-ci ildə işğal edilmişdi. Lakin Əlahiddə Ümumqoşun Ordusu tərəfindən kənd və ətraf ərazilər işğaldan azad olundu, müdafiə zolağının Vəlidağ, Kömürlüdağ istiqamətində Axsal dağı, Qızılqaya dağı, Yağargərdik dağı, Bağırsaq dağı və Həsənqulubağ sahəsində ön xəttin dövlət sərhədi boyu əlverişli mövqeləri ələ keçirildi. Ərazinin etibarlı müdafiəsi, bölmələrin manevr qabiliyyətinin yüksəldilməsi və təminat-təxliyə məqsədilə 50 kilometr yeni yol çəkildi, 60 kilometrdən artıq yararsız yollar isə bərpa edildi. Strateji əhəmiyyətli Arpaçay su dəryaçasının taktiki cəhətdən etibarlı mühafizəsinin təşkili üçün ətrafdakı yüksəkliklərdə yeni müdafiə mövqeləri quruldu. Müdafiə rayonunun qorunmasının təşkili məqsədilə ərazidə qısa müddətdə mühəndis-istehkam tədbirləri görüldü, postlar arasında dayanıqlı rabitə əlaqəsi yaradıldı, yeni səngərlər qazıldı. Ön xətdəki mövqelərlə yanaşı, dayaq məntəqələrində də etibarlı müdafiə sistemi yaradıldı.

Şübhəsiz ki, bu uğurlu əməliyyat Azərbaycan Ordusunun 2016-cı il şanlı Aprel zəfərinin məntiqi davam idi. Aprel döyüşlərində ordumuz Ermənistanın təxribatına cavab olaraq əks-hücum əməliyyatı keçirdi, Füzuli, Cəbrayıl və Ağdərə rayonlarının ərazilərinin bir qismini, ümumilikdə 2 min hektardan çox torpağı işğalçılardan azad etdi, həmçinin Lələtəpə yüksəkliyinin azad olunması ilə Cocuq Mərcanlı kəndində təhlükəsizlik tam təmin edildi. Qısa müddətdə Cocuq Mərcanlı kəndi bərpa edildi, burada 150-dən artıq ev tikildi və məcburi köçkünlər öz doğma yurdlarına qayıtdılar.

Ümumiyyətlə qeyd etməliyik ki, son illərdə məcburi köçkünlərin problemlərinin həlli işində də çox böyük addımlar atılıb. 300 minə yaxın köçkün yeni mənzillərlə, fərdi evlərlə təmin edilib. 2018-ci ildə isə 5800 məcburi köçkün ailəsi üçün fərdi evlər, mənzillər tikilib və istifadəyə verilib, o cümlədən “Qobu Park” köçkün şəhərciyi və Abşeron rayonunun ərazisində 1000 məcburi köçkün ailəsi üçün salınmış yeni yaşayış kompleksinin açılışı olub.

2018-ci ildə də Ermənistanın Azərbaycana qarşı təcavüzünə son qoyulması diplomatiyamızın ən başlıca vəzifəsi olub və əlbəttə ki, cari ildə də prioritet vəzifə olaraq qalacaq. Azərbaycan Prezidenti ilə Ermənistan baş naziri arasında MDB-nin Düşənbə və Sankt-Peterburq zirvə görüşləri çərçivəsində söhbətlər baş tutub və Azərbaycanın xarici işlər naziri ilə ermənistanlı həmkarı arasında son altı ay ərzində 3 görüş keçirilib. Ötən il dekabrın 6-da ATƏT-in Milanda keçirilmiş Nazirlər görüşü çərçivəsində ATƏT-in Minsk qrupunun həmsədr ölkələrinin nümayəndə heyətlərinin rəhbərləri, Azərbaycan və Ermənistan xarici işlər nazirlərinin birgə bəyanatı qəbul olunub. Bəyanatda münaqişənin sülh yolu ilə ədalətli və davamlı həlli üzrə danışıqların davam etdirilməsinin razılaşdırıldığı qeyd olunur. Burada, həmçinin iki ölkənin rəhbərləri səviyyəsində Düşənbədə əldə olunan razılaşmaya riayət olunması və hər iki ölkə əhalisinin sülhə hazırlanması üçün konkret addımların atılması çağırışı əks olunur. Vacib məqamlardan digəri isə birgə bəyanatda münaqişənin ədalətli və davamlı həllinin təşviq edilməsi üçün yaxın gələcəkdə Azərbaycan və Ermənistan rəhbərliyi səviyyəsində intensiv nəticəyə istiqamətlənmiş danışıqların keçirilməsi fikrinin əks olunmasıdır. Bu yanaşma ATƏT-in Minsk qrupunun həmsədrləri tərəfindən tam dəstəklənir.

Bundan başqa, yola saldığımız ildə Ermənistan-Azərbaycan Dağlıq Qarabağ münaqişəsinin həlli ilə bağlı bir sıra beynəlxalq təşkilatlar tərəfindən maraqlarımıza cavab verən aşağıdakı önəmli sənədlərin qəbul edilməsinə nail olunub:

- 3-6 aprel tarixlərində 117 ölkə və 16 beynəlxalq təşkilatın yüksək səviyyəli rəsmilərinin iştirakı ilə Bakıda keçirilmiş Qoşulmama Hərəkatının Aralıq Nazirlər Konfransının yekun sənədinə Ermənistan-Azərbaycan Dağlıq Qarabağ münaqişəsinin Azərbaycanın ərazi bütövlüyü və sərhədlərinin toxunulmazlığı prinsipi əsasında həll edilməsinin vacibliyini vurğulayan bənd daxil edilib;

- 16-17 aprel tarixlərində Düşənbə şəhərində keçirilmiş İqtisadi Əməkdaşlıq Təşkilatının Xarici İşlər Nazirlər Şurası iclasının yekun sənədinə Ermənistan-Azərbaycan münaqişəsinin regional iqtisadi əməkdaşlığa maneə törətdiyi və münaqişənin tezliklə dövlətlərin suverenliyi və ərazi bütövlüyünə hörmət prinsipləri əsasında həllinin vacibliyinə dair bənd daxil edilib;

- 25 apreldə Avropa Şurası Parlament Assambleyasında qəbul olunmuş “Avropada məcburi köçkünlərin humanitar ehtiyacları və hüquqları” adlı qətnamədə işğal edilmiş ərazilərin əhalisinin başqa yerə köçürülməsi və işğalçı qüvvə tərəfindən bu ərazilərə digər əhalinin yerləşdirməsi müharibə cinayəti kimi qeyd olunub;

- 5-6 may tarixlərində Banqladeş Xalq Respublikasının Dəkkə şəhərində keçirilmiş İslam Əməkdaşlıq Təşkilatının (İƏT) Xarici İşlər Nazirləri Şurasının 45-ci sessiyasında Ermənistanın Azərbaycana qarşı təcavüzü və işğal olunmuş ərazilərimizdə dini-mədəni irsin dağıdılmasına dair qətnamələr qəbul edilib.

İƏT Xarici İşlər Nazirləri Şurasının iclasında “1992-ci il Xocalı qırğınının qurbanları ilə həmrəylik” adlı qətnamə də qəbul olunub. Qətnamədə Azərbaycanın Xocalı şəhərində və digər işğal edilmiş ərazilərində Ermənistan silahlı qüvvələri tərəfindən azərbaycanlı mülki əhali və hərbi şəxslərə qarşı törədilmiş kütləvi vəhşiliklər qəti şəkildə pislənilir və üzv dövlətlər münaqişə dövründə Azərbaycanın Xocalı şəhəri və işğal edilmiş digər ərazilərində törədilmiş cinayətlərin müharibə cinayətləri, insanlıq əleyhinə cinayətlər və soyqırımı kimi yerli və beynəlxalq səviyyədə tanınması istiqamətində lazımı səy göstərməyə səslənib;

- 11 iyulda Avropa İttifaqı ilə Azərbaycan arasında qəbul olunmuş “Tərəfdaşlıq prioritetləri” sənədində Azərbaycanın ərazi bütövlüyü, suverenliyi və sərhədlərinin toxunulmazlığı ilə bağlı Avropa İttifaqından Azərbaycana önəmli dəstək ifadə olunub;

- 5 oktyabrda Demokratiya və İqtisadi İnkişaf naminə Təşkilat – GUAM dövlətlərinin hökumət başçılarının iclasında qəbul edilmiş birgə bəyanatda Ermənistan-Azərbaycan münaqişəsi və GUAM-a üzv ölkələrin ərazisində həllini tapmamış digər münaqişələrin dövlətlərin suverenliyi, ərazi bütövlüyü və beynəlxalq səviyyədə tanınmış sərhədlərinin toxunulmazlığı prinsipləri əsasında həllinin vacibliyi vurğulanıb və bu münaqişələrin beynəlxalq sülh, təhlükəsizlik və sabitliyə təhlükə təşkil etdiyini nəzərə alaraq, onların yuxarıda göstərilən prinsiplər əsasında tezliklə həlli məqsədilə beynəlxalq ictimaiyyətə səylərin artırılması üçün çağırış edilib;

- 12 dekabrda Avropa Parlamentinin qəbul etdiyi “Avropa İttifaqının xarici siyasət və təhlükəsizlik sahəsində ümumi siyasəti barədə” adlı qətnamədə Aİ-nin Şərq Tərəfdaşlığı ölkələri, o cümlədən Azərbaycanın suverenliyi və ərazi bütövlüyünün dəstəkləməsi bir daha təsdiqlənib. Sənəddə tərəfdaş ölkələrin ərazisində dondurulmuş münaqişələrin beynəlxalq hüquq, norma və prinsiplərə uyğun olaraq nizamlanmasının zərurəti vurğulanır. Bundan başqa, qətnamə münaqişə nəticəsində doğma yurdlarından didərgin düşmüş şəxslərə dəstəyi gücləndirməyə, tərəfdaş ölkələrin ərazisində vəziyyətin destabilizasiyası məqsədilə üçüncü tərəflərin müdaxilə cəhdlərinin qarşısını almağa çağırır. Beləliklə, sənəd faktiki olaraq növbəti dəfə Aİ-nin Ermənistan-Azərbaycan, Dağlıq Qarabağ münaqişəsinin nizamlanması çərçivəsində Azərbaycanın ərazi bütövlüyünə dəstəyini təsdiq edib.

- 17 dekabrda BMT Baş Assambleyasında Azərbaycan tərəfindən irəli sürülmüş və əsas məqsədi silahlı münaqişələr şəraitində itkin düşmüş şəxslərin probleminə diqqətin daha da artırılmasından ibarət "İtkin düşmüş şəxslər" adlı qətnamə yekdilliklə qəbul edilib.

Ötən il dekabrın 24-də məcburi köçkünlərlə görüşündə dövlətimizin başçısının dediyi kimi, Azərbaycan bütün imkanlardan istifadə edir ki, Dağlıq Qarabağ münaqişəsi öz həllini tapsın:

“Biz 2019-cu ilə qədəm qoyuruq və ümid edirik ki, bu il Ermənistan-Azərbaycan Dağlıq Qarabağ münaqişəsinin həlli üçün önəmli il ola bilər. Amma baxacağıq ki, vəziyyət necə inkişaf edir. Bizim prinsipial mövqeyimiz dəyişməz olaraq qalır. Ölkəmizin ərazi bütövlüyü qeyd-şərtsiz təmin olunmalıdır, bərpa edilməlidir, işğalçı qüvvələr torpaqlarımızdan qeyd-şərtsiz çıxarılmalıdır. Bunu ədalət, tarix tələb edir, bunu beynəlxalq hüquq tələb edir. BMT Təhlükəsizlik Şurasının qətnamələrində məhz dediyim sözlər öz əksini tapıb ki, işğalçı qüvvələr işğal edilmiş torpaqlardan qeyd-şərtsiz çıxarılmalıdır. Biz əlbəttə ki, xarici müstəvidə öz səylərimizi bu istiqamətdə artıracağıq. Bu il həm ikitərəfli təmaslar əsasında mən bir çox ölkələrin dövlət və hökumət başçıları ilə apardığım danışıqlarda və imzalanmış sənədlərdə ölkəmizin ərazi bütövlüyünə, suverenliyinə hörmət göstərilir və münaqişənin bu prinsiplər əsasında həll olunması tələb edilir. Eyni zamanda, Avropa İttifaqı ilə imzalanmış sənəddə ölkəmizin ərazi bütövlüyü, suverenliyi, sərhədlərimizin toxunulmazlığı haqqında çox ciddi bəyanatlar var. Yəni, həm tarixi, həm hüquqi əsaslar bizim mövqeyimizi dəstəkləyir. Əlbəttə ki, bu gün Ermənistan və Azərbaycan iqtisadi və hərbi cəhətdən fərqli kateqoriyalarda olan ölkələrdir. Eyni zamanda, bölgədə gedən proseslər, bizim qonşu ölkələrlə münasibətlərimizin möhkəmləndirilməsi regionda vəziyyəti bizim xeyrimizə dəyişdirir. Yəni, bütün bu amillər deməyə əsas verir ki, 2019-cu ildə münaqişə ilə bağlı müəyyən addımlar atılacaq. Hələ ki, bir şey demək tezdir, ancaq bir şey tam aydındır: biz prinsipial mövqeyimizdən çəkilməyəcəyik, öz ərazi bütövlüyümüzün istənilən yolla bərpası bizim suveren hüququmuzdur. Dağlıq Qarabağ və onun ətrafında yerləşən digər işğal edilmiş torpaqlar bizim əzəli, tarixi torpaqlarımızdır və bu, bu gün belədir, sabah da belə olacaq”.

Beləliklə, heç şübhəsiz ki, cari ildə də Azərbaycan Ermənistanın təcavüzünə son qoyulması, torpaqlarımızın işğaldan azad edilməsi və məcburi köçkünlərimizin doğma yurd-yuvalarına qayıtması üçün əlindən gələni edəcək.

İyunun 1-də dolların manata qarşı məzənnəsi
İyunun 1-də dolların manata qarşı məzənnəsi
Bu yolda hərəkət qısamüddətli məhdudlaşdırılır
Bu yolda hərəkət qısamüddətli məhdudlaşdırılır
“Sədərək” və “Binə” ticarət mərkəzlərinin rəhbərləri ilə müzakirələr aparılıb
“Sədərək” və “Binə” ticarət mərkəzlərinin rəhbərləri ilə müzakirələr aparılıb
Loading Bars
Xəbər lenti
Peşə dərslərinin iyunun 1-nə olan cədvəli açıqlanıb
"Dərs vaxtı" verilişinin sabahkı cədvəli müəyyənləşdirilib
Əli Əhmədov: Sosial şəbəkələr bir çox hallarda insan hüquqlarının pozulması, şəxsiyyətin mənəvi terrora məruz qalması, ləyaqətinin alçaldılması vasitəsinə çevrilib
İyunun 1-də dolların manata qarşı məzənnəsi
Umayra Tağıyeva may və iyun aylarının hava şəraitini şərh edib
Milli Məclisin 2020-ci ilin yaz sessiyası bağlı elan edilib
Azərbaycanda daha 248 nəfər koronavirusa yoluxdu, 101 nəfər sağaldı, 2 nəfər öldü
Müddətli həqiqi hərbi xidmətə növbəti çağırış başa çatdı
Ünvanlı sosial yardımın artıq ödənişini könüllü qaytarmayanlar məhkəməyə veriləcək
Ünvanlı sosial yardımın verilmə müddəti 1 ilə endirilir
Bu yolda hərəkət qısamüddətli məhdudlaşdırılır
Prokurorluq orqanlarının adından sui-istifadə edən şəxslər ifşa edildi
Milli Məclisin növbədənkənar sessiyasının ilk plenar iclasının vaxtı açıqlandı
Mərkəzi Gömrük Hospitalında “Sağlam uşaq” adlı pediatrik müayinələr keçiriləcək
Milli Məclis maska taxmamağa görə cərimələri təsdiq etdi
Ziraat Bankdan Kənd Təsərrüfatına Dəstək Krediti!
Fəzail İbrahimli deputat həmkarlarına çağırış etdi: Məsuliyyətli olaq!
“Sədərək” və “Binə” ticarət mərkəzlərinin rəhbərləri ilə müzakirələr aparılıb
Roma Papası Prezident İlham Əliyevi təbrik edib
Milli Məclisin rəhbərliyi deputatı tənqid etdi
Xəzərin bu hissəsində çimərliklər açılır
AZAL aviabiletlərin ödənişsiz təxsis edilməsi müddətini yenidən uzadıb
Azərbaycan ilə Türkmənistan arasında səfirlikər üçün torpaq sahəsi ilə bağlı saziş təsdiq edildi
Böyük Britaniya şahzadəsinin "Facebook"da gizli səhifəsi aşkar edilib
Elçin Mirzəbəyli: Donald Trampın qərarı insanların şəxsi həyatına olan təhdidlərə qarşı atılan addım kimi dəyərləndirilməlidir
İnsanların qaraciyərə ziyan vurmadan içə biləcəyi spirtli içkinin həcmi açıqlanıb
Azərbaycanda qapalı şəraitdə müxtəlif Olimpiya İdman Komplekslərində məşqlərə icazə verildi
OPEC+ nazirlərinin görüşü daha tez baş tuta bilər
Şəhla Mirzəzadə: Tütünçəkmədən imtinanın təbliği pandemiya dövründə də prioritet istiqamətlərdən biri olaraq icra edilməkdədir
Vətəndaşlar Prezidentə yazırlar: Cənab Prezident, Sizin yürütdüyünüz siyasəti ürəkdən bəyənir və dəstəkləyirik
“Azərkosmos” 2019-cu ili mənfəətlə başa vurub
Goranboyda karantin qaydalarını pozan çay evi aşkarlanıb
İranda koronavirusa yoluxanların sayı 150 mini keçdi
İyunun 1-də 36 dərəcə isti olacaq
Mütəxəssislər elektron siqaretlərin orqanizmə ziyanı barədə
Müdafiə Nazirliyi: Silah gücü düşmənlə danışılacaq yeganə dildir
Naqif Həmzəyev: “Amnesty International”ın Azərbaycana qarşı qərəzli mövqeyi yenilik deyil
Bakıdan ayıya görə ezam olunan mütəxəssis heyəti Şəkidədir
Azərbaycanda bələdiyyə sədrinin qanunsuz əməlləri ifşa olundu
Ermənistan həbsxanasında Cənubi Koreya vətəndaşı intihar edib
Azərbaycana səfər edən Türkiyə vətəndaşlarından 90 günədək viza tələb olunmayacaq
29 il əvvəl törədilmiş dəhşətli cinayətin üstü açılıb
Qurcana çayı tullantılardan təmizlənib
Milli Məclisin deputatı xaricdə təhsil alan azərbaycanlı tələbələrin ölkəyə gətirilməsini təklif edib
Özünü və millətini danan radikallar "demokratiya" axtarır - "Politşou" təqdim edir (Videolayihə)
Nizami Səfərov: Ramil Səfərov barəsində verilən əfv fərmanı beynəlxlaq hüquqi razılaşmadan irəli gəlir
Rusiyada koronavirusa yoluxanların sayı 400 min nəfəri keçib
Rabitəbank-ın reklam layihəsi beynəlxalq festivalda ölkəmizə ilk qızılı qazandırdı
Əli Hüseynli: Ölkə başçısı müasir Azərbaycan tarixi ilə bağlı vacib məsələləri açıqlamaqla tarixçilərə dərs keçdi
Qusarda faciə: Hasar 3 azyaşlının üstünə aşdı, biri öldü
Azərbaycanla Türkiyə arasında dörd sənəd təsdiq edildi
“Naxçıvan” gəmi-bərəsi əsaslı təmir olunub (FOTO)
Abşeronda yük maşını 16 yaşlı oğlanı vurub öldürdü
Şəkidəki ayı Altıağac milli parkına aparılacaq
Bakı Ali Neft Məktəbinin əməkdaşlarının COVID-19 analiz nümunələrinin nəticələri neqativ çıxdı
Sabahdan Azərbaycanın ən böyük ticarət mərkəzi fəaliyyətə başlayır
BU MÜƏLLİMLƏR yerdəyişmə müsabiqəsində iştirak edə bilməzlər
“AccessBank” kart çap avadanlığı - embosser alışı üzrə tender elan edir
İndianapolisdə etirazlar zamanı bir nəfər həlak olub
Beyləqanda kişi keçmiş arvadına kəsici alətlə hücum etdi
Maskasız olan şəxs xəstədirsə, minimum 60 nəfəri koronavirusa yoluxdura bilər - Deputat
Ermənistanda bir gündə 355 nəfər koronavirusa yoluxub
Bakıda 20 yaşlı gəlin kirayə qaldığı evdə ölü tapıldı
Ən çox və ən az vakant müəllim yerləri bu ərazilərdədir - ADLAR
Tovuzda yük avtomobili dərəyə aşıb
Şəbnəm Həsənova: Trampın sosial şəbəkələrlə bağlı qərarı düzgündür və dəstəklənməlidir
Tovuzda piyadanı öldürüb qaçan sürücü tutuldu
Bu məhsullar nikotin asılılığını azaltmağa kömək edir
Türkiyədəki azərbaycanlı gənclərin onlayn I Forumu təşkil edilib
“Həkimlərimizi tanıyın!”: Travmatoloq-ortoped, t.f.d. Ramin Rzayev
Həvəsləndirmə yerlərinin tətbiq olunduğu müəllim yerlərinin sayı açıqlandı
Qəbələdə bir uşaq və heyvan sürüsü bataqlıqda köməksiz vəziyyətdə qalıb
Çində ötən sutka ərzində cəmi 2 nəfərdə koronavirusun aktiv forması aşkarlanıb
Yalnız bu taksi sürücüləri şəhərlərarası sərnişin daşıya biləcəklər
Məktəblərdə daha çox hansı fənlər üzrə vakant müəllim yerlərinin olduğu açıqlanıb
Şəkidə görünən ayıya görə nazirlik mütəxəssis heyəti göndərdi (FOTO/VİDEO) (ƏLAVƏ OLUNUB)
Politoloq: Dünyada sosial şəbəkələrlə bağlı real vəziyyət Trampın qərarının tam əsaslı olduğunu göstərir
Peruda koronavirusa yoluxanların sayı 155 min nəfəri ötüb
Azərbaycan Premyer Liqası bu formada təşkil olunacaq
Səfir: Niderland və Azərbaycan bərpa olunan enerji sahəsində əməkdaşlıq imkanlarını tədqiq edir
Ermənistan silahlı qüvvələri atəşkəs rejimini 25 dəfə pozub
UNEC-in 90 illik yubileyi ərəfəsində 9-cu ikili diplom proqramı haqqında müqavilə imzalanıb
Mayın 31-də xarici valyutaların manata qarşı məzənnələri
Qırğızıstanda koronavirusa yoluxanların sayı 1 748 nəfərə çatıb
Bu gündən Azərbaycanda xüsusi karantin rejiminə dair məhdudiyyətlərin bir qismi aradan qaldırılıb
Bu gün deputatlar 12 məsələ üçün toplaşır
Bakı-Sumqayıt yolundakı dəmiryol körpüsü yenidən qurulacaq
Bəhruz Quliyev: Azərbaycan sürətli inkişaf edir və dövlətimiz daha çox qələbələrə öz imzasını atacaq
Qazaxıstanda 476 nəfərdə koronavirusa yoluxma qeydə alınıb
Türkiyədə bir sıra daxili uçuşlar bərpa edilir
Ruandada koronavirusdan ilk ölüm qeydə alınıb
Tramp: ABŞ tezliklə tarixin "ən güclü silahlarına" sahib olacaq
ABŞ Konqresmenləri Azərbaycanın Respublika Günü münasibətilə bəyanat veriblər
ABŞ-ın 25 şəhərində etirazlar səbəbilə komendant saatı tətbiq edilib
Cənubi Karolina ştatında Azərbaycan Milli Günü bəyan edildi (FOTO)
Nyu-Yorkda daha 70 etirazçı saxlanılıb
Tramp G7 sammitinin vaxtını dəyişib
Braziliyada koronavirusa yoluxanların sayı rekord sürətlə artır
Tramp Minneapolisdə afroamerikalının ölümünü amerikalıları dəhşətə gətirən faciə adlandırıb
Moskvada koronavirusdan ölənlərin sayı 2 477 nəfərə çatıb
Bütün xəbərlər