...

Monteneqro parlamentinin sədri Nizami Gəncəvi Beynəlxalq Mərkəzində olub

Siyasət 19 Yanvar 2022 12:39
Monteneqro parlamentinin sədri Nizami Gəncəvi Beynəlxalq Mərkəzində olub

Trend-i buradan izləyin

Bakı. Trend:

Monteneqro parlamentinin sədri Aleksa Beçiç Nizami Gəncəvi Beynəlxalq Mərkəzində olub.

Görüşün məqsədi hər iki tərəfin mövcud pandemiya şəraitinə baxmayaraq, qarşılıqlı əlaqələrin gücləndirilməsi, noyabr ayında Bakıda Azərbaycan Respublikasının Prezidentinin himayəsi ilə keçirilmiş 8-ci Qlobal Bakı Forumu və Mərkəzin Qərbi Balkanlarda reallaşdırdığı layihələrin müzakirəsi olub və 2022-ci ildə Mərkəzin Monteneqroda təşkil edəcəyi alisəviyyəli toplantı haqqında məlumat verilib.

Səfər zamanı cənab Aleksa Beçiç və müşayiət edən digər rəsmilər dahi Azərbaycan şairi Nizami Gəncəvinin əlyazmalarından ibarət sərgisi ilə tanış olub.

Görüşdə həmçinin Monteneqro parlamentinin üzvü Boris Boqdanoviç, Monteneqronun Azərbaycandakı səfiri Perişa Kastratoviç və fəxri konsul Vüqar Əliyev iştirak edib.

Məqalədə:
Xəbər lenti

Xəbər lenti