Bakı. Trend:
Quru sərhədlərimiz hələ bağlıdır. Karantin qaydaları yumşaldılıb, amma pandemiya aradan qalxmayıb.
Trend-in məlumatına bunu Baş nazir Əli Əsədov parlamentin bu gün keçirilən iclasında Azərbaycan Respublikası Nazirlər Kabinetinin 2021-ci ildə fəaliyyəti haqqında hesabatının müzakirəsi zaman deyib.
Baş nazir bildirib ki, Rusiya hökuməti martın 21-dən başlayaraq hava məkanını yenidən Azərbaycan üçün açır.
“Dağıstanla sərhəddə qalan soydaşlarımızın məsələsi də hökumətin diqqətindədir. Amma onlarla bağlı qəti qərar hələ verilməyib”, - deyə o əlavə edib.