...

Prezident İlham Əliyev: Ermənistan tərəfi bizim iradəmizi düzgün qiymətləndirmədi və buna görə cavab verməli oldu

Siyasət Materials 5 Oktyabr 2022 14:16 (UTC +04:00)
Prezident İlham Əliyev: Ermənistan tərəfi bizim iradəmizi düzgün qiymətləndirmədi və buna görə cavab verməli oldu

Trend-i buradan izləyin

Bakı. Trend:

Bizdə sülh prosesi ilə bağlı müəyyən optimist fikirlər var. Çünki bir neçə gün bundan əvvəl Azərbaycan və Ermənistan xarici işlər nazirlərinin görüşündə sülh müqaviləsinin mətninin hazırlanması ilə bağlı müzakirələr aparıldı. Ümid edirik ki, bu proses uzun sürməyəcək.

Trend xəbər verir ki, bu barədə Prezident İlham Əliyev Azərbaycan Milli Şəhərsalma Forumundakı çıxışında bildirib.

Dövlətimizin başçısı deyib ki, biz 28 il davam edən Qarabağ münaqişəsinə dair danışıqlarda olduğu kimi, Ermənistanın razılaşmadığı məsələlərdə adətən istifadə etdiyi taktikaya yaxşı bələdik. Əgər bu, yenə davam edərsə, biz sülh əldə edə bilməyəcəyik. Əgər Ermənistanın seçimi belə olacaqsa, onlar növbəti ciddi səhv addım atmış olacaqlar.

“Onlar bizi düzgün qiymətləndirmədilər, onlar bizim iradəmizi, Azərbaycan xalqının iradəsini, Azərbaycanın potensialını düzgün qiymətləndirmədilər və buna görə cavab verməli oldular”, - deyə Prezident İlham Əliyev vurğulayıb.

Məqalədə:
Xəbər lenti

Xəbər lenti