Bakı. Trend:
Rusiyanın xarici işlər naziri Sergey Lavrov cümə günü Moskvada Azərbaycanın xarici işlər naziri Ceyhun Bayramovla danışıqlar aparacaq.
Trend xəbər verir ki, bu barədə cümə axşamı "TASS" Rusiya XİN-dən bildirilib.
"Dekabrın 23-də Moskvada Rusiya Federasiyası və Azərbaycan Respublikasının xarici işlər nazirləri Sergey Lavrov və Ceyhun Bayramov arasında danışıqlar aparılacaq", - deyə Xİn-dən bildirilib.
Bu məlumatı Trend-ə Azərbaycan Xarici İşlər Nazirliyindən təsdiqləyiblər.
Qeyd edək ki, cümə axşamı S.Lavrovla C.Bayramov arasında telefon danışığı olub. Söhbət zamanı nazirlər İrəvanın Ermənistan və Azərbaycan arasında sülh sazişi üzrə dekabrın 23-də Moskvada keçirilməsi nəzərdə tutulan danışıqlarda iştirakdan imtina etməsindən təəssüfləndiklərini bildiriblər.