...

KOBİA Tacikistanın Ticarət və Sənaye Palatası ilə əməkdaşlıq edəcək

Siyasət Materials 6 Aprel 2023 01:20 (UTC +04:00)
KOBİA Tacikistanın Ticarət və Sənaye Palatası ilə əməkdaşlıq edəcək

Bakı. Trend:

Azərbaycan Respublikasının Prezidenti İlham Əliyevin Tacikistan Respublikasına dövlət səfəri çərçivəsində aprelin 5-də Düşənbə şəhərində hər iki ölkənin dövlət başçılarının iştirakı ilə bir sıra sənədlər, o cümlədən Kiçik və Orta Biznesin İnkişafı Agentliyi (KOBİA) və Tacikistanın Ticarət və Sənaye Palatası arasında əməkdaşlıq haqqında Anlaşma Memorandumu imzalanıb.

KOBİA-dan Trend-ə bildirilib ki, sənədi agentliyin İdarə Heyətinin sədri Orxan Məmmədov və Tacikistanın Ticarət və Sənaye Palatasının sədri Camşed Cumaxonzoda imzalayıblar. Memorandumda hər iki ölkənin sahibkarları, xüsusilə də kiçik və orta biznes subyektləri arasında ticarət və investisiya əməkdaşlığının təşviqi, müxtəlif tədbirlərə dair qarşılıqlı məlumat və KOB-lara xidmət sahəsində təcrübə mübadiləsi, KOB-lar arasında əməkdaşlığın gücləndirilməsi üçün birgə tədbir və sərgilərin təşkili kimi məsələlər nəzərdə tutulur.

Məqalədə:
Xəbər lenti

Xəbər lenti