...

Milli Məclisin sədri Sahibə Qafarova Ermənistanın Azərbaycana qarşı təxribatlarını qınamağa çağırış edib

Siyasət Materials 13 Aprel 2023 19:17 (UTC +04:00)

Bakı. Trend:

Milli Məclisin sədri Sahibə Qafarova Ermənistanın Azərbaycana qarşı təxribatlarını qınamağa çağırış edib.

Bu barədə Trend-ə Milli Məclisdən məlumat verilib.

Milli Məclisin sədri Sahibə Qafarova Rusiya Federasiyasının Sankt-Peterburq şəhərinə işgüzar səfəri çərçivəsində aprelin 13-də bu ölkənin Federal Məclisi Federasiya Şurasının sədri Valentina Matviyenko ilə görüşdə Ermənistanın 11 aprel tarixində törətdiyi hərbi təxribat barədə məlumat verib.

Spiker deyib ki, bu kimi təxribatların beynəlxalq ictimaiyyət tərəfindən sülh sazişi üzrə danışıqlara ciddi çağırışlar fonunda baş verməsi Ermənistanın sülh prosesində maraqlı olmadığını göstərir. Spikerin sözlərinə görə, Ermənistanın beynəlxalq hüququn norma və prinsiplərini tapdalayaraq, Azərbaycana qarşı apardığı təxribatlar nəinki Azərbaycanın ərazi bütövlüyünü və suverenliyini pozur, eyni zamanda regional sülh və təhlükəsizliyi ciddi şəkildə təhdid edir. Ona görə də Ermənistanın bu addımları ciddi şəkildə qınanılmalıdır.

Məqalədə:
Xəbər lenti

Xəbər lenti