Oktyabrın sonunadək "Azərbaycan Polisinin Davranış məcəlləsi" hazırlanacaq. Trend agentliyi bildirir ki, sentyabrın 1-də Bakıda keçirilən mətbuat konfransında AŞ baş katibinin Azərbaycandakı xüsusi nümayəndəsi Mats Lindberq bu barədə bildirib.
M.Lindberqin sözlərinə görə, Məcəllə üzərində iş sonuncu mərhələdədir və Avropa Şurasının ekspertləri bu işə cəlb olunub.
"Bizim məqsədimiz Azərbaycan vətəndaşının hüquq və azadlığının təmin edilməsi nəzərə alınmaqla hüquq-mühafizə orqanları nümayəndələrinin statusu, tapşırıqları və iş prinsiplərini izah etməkdir"-deyə M. Lindberq qeyd edib.
