Milli Məclisin insan hüquqları daimi komissiyası ilə sosial qanunvericilik şöbəsi "Dini etiqad haqqında" qanun layihəsi üzərində birgə işləyəcək. Bu barədə Trend ə parlamentin sosial qanunvericilik şöbəsinin müdiri Adilə Abbasova bildirib.
A.Abbasova onu da qeyd edib ki, "İctimai televiziya və radio yayımı haqqında" qanuna dəyişiklik də ediləcək. Onun bildirdiyinə görə, əvvəllər qanunun tələblərini pozmuş ictimai yayımçı ona tətbiq edilmiş müvafiq məsuliyyət tədbirinin məzmunu barədə ictimaiyyətə məlumat vermirdi. Təklif olunan dəyişiklikdə isə göstərilir ki, ictimai yayımçı məsuliyyət tədbirinin məzmunu barədə məlumatı müvafiq dövlət orqanı tərəfindən müəyyən edilmiş vaxt ərzində yayımlamağa borcludur.
