Azərbaycan prezidenti İlham Əliyevin martın 7-10-da Yaponiyaya rəsmi səfəri zamanı 3-4 ikitərəfli sənədin imzalanacağı gözlənilir. Bu barədə Trend ə Azərbaycanın xarici işlər Nazirliyindən məlumat verilib.
İmzalanacaq sənədlərdən ikisi siyasi xarakterlidir. Belə ki, xarici işlər nazirlikləri haqqında sazişin və dövlət başçılarının birgə bəyanatının layihələri hazırlanıb. Ekspertlər, həmçinin, texniki yardım haqqında sazişin layihəsini də hazırlayıb. Sənədlərin son variantı Azərbaycanın XİN ekspertlərinin Yaponiyaya səfəri zamanı razılaşdırılacaq.
