...

İranın müdafiə naziri Bakıya üçgünlük səfər edəcək

Siyasət Materials 18 Aprel 2006 15:24 (UTC +04:00)

Aprelin 19-da İran İslam Respublikasının müdafiə naziri Mustafa Məhəmmədi Həcca Bakıya səfər edəcək. Bu barədə Trend ə Azərbaycan Respublikası Müdafiə Nazirliyinin mətbuat xidmətinin rəis əvəzi İlqar Verdiyev məlumat verib.

Mustafa Məhəmmədi Həccanın səfər proqramına görə, o, aprelin 19-da müdafiə naziri general-polkovnik Səfər Əbiyevlə görüşəcək.

Aprelin 20-də isə Fəxri Xiyabanı və Şəhidlər Xiyabanını ziyarət mərasimi olacaq. Elə həmin gün dövlət başçısı İlham Əliyevlə, Milli Məclisin spikeri Oqtay Əsədovla, xarici işlər naziri Elmar Məmmədyarovla görüşlər planlaşdırılıb.

Aprelin 21-də İranın müdafiə nazirinin səfəri başa çatacaq və o, öz ölkəsinə qayıdacaq.

İ.Verdiyev onu da bildirib ki, Mustafa Məhəmmədi Həccanın səfərinin məqsədi iki ölkənin hərbi sahədəki vəziyyəti ilə bağlı müzakirələr apamaqdır.

Xəbər lenti

Xəbər lenti