Faşizm üzərində qələbənin 61-ci ildönümü münasibətilə Azərbaycanda bir sıra təntənəli mərasimlər keçiriləcək. Bu barədə Trend ə Respublika Veteranlar Şurasının məsul katibi, müharibə və Silahlı Qüvvələr veteranı Seyfəddin Şıxlı bildirib.
Onun sözlərinə görə, mayın 9-da səhər Böyük Vətən Müharibəsi veteranları iki dəfə Sovet İttifaqı qəhrəmanı Həzi Aslanovun abidəsi üzərinə əklil qoyacaq. Burada onları prezident İlham Əliyevin təbrik edəcəyi gözlənilir.
Elə həmin gün Rusiyanın Azərbaycandakı səfirliyində Böyük Vətən Müharibəsində qələbənin növbəti ildönümü münasibətilə təntənəli mərasim və qəbul təşkil ediləcək. Həmçinin, Zabitlər Evində də təntənəli gecənin keçirlməsi planlaşdırılır.
Statistikaya görə, Azərbaycanda 12.019 nəfər müharibə iştirakçısı var. 121 azərbaycanlıya Sovet İttifaqı Qəhrəmanı adı verilib, 30 azərbaycanlı isə III dərəcəli "Şöhrət" ordeni ilə təltif olunub.